Gov. VICTOR A. TANCO: “Pag-ulikid: Labi sa Tanan ang Tawo”

            “May bulawanon nga tagipusuon para sa pumoluyo kag tampad nga pag-alagad sa komunidad,” ini ang pagkilala sang mga Capiznon sa ika-20 nga Gobernador sang probinsya sang Capiz, Governor Victor Arancillo Tanco, Sr

Gov. Victor A. Tanco

Gov. Victor A. Tanco

            Si Governor Tanco, ginbun-ag sadtong Oktubre 15, 1944 sa Barangay Guinotos, Dumarao, Capiz sa magti-ayon nga Diosdado J. Tanco Sr. kag Azucena Arancillo. Gintambi-palad sa matahum nga kasimanwa nga si Fatima Lademora kag ginbugayan sang apat ka anak nga sanday Victor Jr., Faith, Vladimir kag Hope.

            Si “Vic” kon tawgon sang iya mga suod nga abyan kag pamilya, nagtapos sang elementarya sa bulothuan sang Iloilo American School. Nagpadayon sang iya sekondarya sa prestihiyuso nga Unibersidad sang Pilipinas, syudad sang Iloilo kag gintapos ang iya kolehiyo sa kurso nga Bachelor of Science in Business Administration sa Unibersidad sang Pilipinas, Diliman, syudad sang Quezon.
 
               Wala lang matalupangdi ni Vic nga siya gali mangin isa ka lider sang iya banwa kag pinakamataas nga lider sang probinsya sang Capiz pag-abot sang panahon.

              Una nga nagpakigbahin sa politika si Vic Tanco sadtong 1971, kon sa diin nangin numero uno siya sa piniliay sa pagka-konsehal sang banwa sang Dumarao. Ang konsehal nga inanak sang Barangay Guinotos kag produkto sang Unibersidad sang Pilipinas nagpakita sang iya ikasangkol sa lehislatura kag mayo nga panghimanwa.

              Sang tuig 1980, ginpili si konsehal Vic Tanco sang pumoluyo bilang Alkalde sang Dumarao. Nagpangalagad siya sang 1980 tubtob 1986 bag-o nag-abot ang maragtason nga rebolusyon sa Epifanio De los Santos Avenue (EDSA), kon sa diin ginpabuslan siya sang rehimen Aquino.

              Apang bangud sang iya paghigugma sa mga Dumaraonon kasubong man sa pagpalangga sang iya mga kasimanwa, liwat siya nga ginpili sa pagka-Alkalde sang makatatlo ka beses sumugod 1988-1992, 1992-1995 kag 1995-1998.

              Mas madali madumduman si Mayor Vic Tanco sang Dumaraonon bangud sang iya mainuswagon kag makatawo nga panghimanwa.

               Apang sang tuig 1998, halos nasubuan ang mga Dumaraonon kay natapos na ang termino sa pagpangalagad ni Mayor Vic Tanco.

               Sa iya mayo nga ginpakita nga liderato sang iya nangin Alkalde sang banwa sang Dumarao sa sulod sang napulong lima (15) ka tuig kag sinsiridad sa Partido Liberal, ginpili siya nga kandidato sa pagka Bise-Gobernador kaupod ni Vicente Bermejo nga kandidato man sadto sa pagka Gobernador.

               Matapos ang siyam ka tuig (1998-2007) nga termino sa pagka Bise-Gobernador, liwat naman siya ginpili sang pumoluyo sa pagka Gobernador sadtong Mayo 2007.

               Sa iya pagpangalagad sa sulod sang masobra sa isa ka tuig, amat-amat nga nahatagan sang katahuman ang iya gindihon nga “Development Agenda” para sa probinsya sang Capiz sandig sa iya ginsaad nga “Pag-ulikid” Labi sa tanan ang Tawo.”

           Ang krusada ni Governor Vic Tanco, tinaga nga nabatyagan na sang Capiznon indi lang sa ti-on sang kalamidad maski sa matag-adlaw nga pagsinalayo bangud para sa ika-20 nga Gobernador sang probinsya sang Capiz ang iya “Pag-ulikid: Labi sa tanan ang Tawo.”

Source: Capiz Prov’l Press Bureau

3 Comments

Filed under People

3 responses to “Gov. VICTOR A. TANCO: “Pag-ulikid: Labi sa Tanan ang Tawo”

  1. Pingback: 23 Sigma farmers complete training « Captivating Capiz - Roxas City Seafood Capital of the Philippines

  2. Hi mate
    Absolutely agree.
    One more awesome blog Google showed me. Subscribed to the RSS
    I will surely be visiting this site again

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s