Pag-giya sa turismo ginpasangkad sa Capiz

PROBINSYA SANG CAPIZ – Madinalag-on nga ginpatigayon ang “Tourism Awareness Goodwill Guiding Seminar” agud labi nga mapasangkad ang turismo sa probinsya sang Capiz sadtong Hunyo 6-7, 2008.

 

Ang duha ka adlaw nga sinapol ginsuguran sa pag-pang-abiabi ni Attorney Jose O. Villanueva, Provincial Legal Officer sang gobierno probinsyal sang Capiz, nga nagtiglawas kay Gov. Victor A. Tanco.

 

Gintalakay sang mga dinapit nga bisita sa pagpanguna ni Regional Director Edwin Trompeta sang Department of Tourism (DOT) sang Western Visayas ang natuhoy sa pagkabalaka sa turismo.

 

Subong ginpakigbahin man ni Willie Genciana, retirado nga Bise Presidente sang Rajah Tours kag Manunudlo sang Turismo sang Central University sa Syudad sang Iloilo ang angot sa “Goodwill Guides and Drivers as Tourism Frontliners, Roles of Tour Guides, Frontliners in the Tourism Industry and Research and Tour Guiding.”

 

Si Helen J. Camarista, Iloilo City Licensed DOT Accredited Tour Guide kag ginkilala nga Best Tour Guide sa Western Visayas sadtong 2006-2007, naglaragway sang iya ihibalo natuhoy sa “Ten Commandments for Tour Guides and Qualities of an Ideal Tour Guide.”

 

Gintudlo man ni Camarista ang angot sa “Practical Guiding Techniques” kag nagpatigayon sang “Practical Guiding Workshop.”

 

Ang nasambit nga sinapol sa paghanas sa turismo ginpatigayon sang talatapan sang Provincial Tourism Office kag ginpasakupan sang halos tanan nga gobierno local sang tagsa ka munisipyo kag pribado nga kompanya diri sa probinsya sang Capiz.

 

Suno kay Alphonsus Tesoro, Provincial Tourism Officer sng Capiz, sa katapusan nga adlaw sang sinapol ginpatigayon nila ang “Mock and Actual Tour Guiding” agud personal kag aktwal nila nga ma-eksperyensiya ang nasambit nga hilikuton.

 

“Isa ini ka daku nga oportunidad sa aton local nga gobierno nga mahanas kag mapasanyog ang ihibalo sang mga municipal tourism officers kag pati na ang mga tour guide sang pribado nga kompanya diri sa probinsya sang Capiz,” gindugang pa sa pagpahayag ni Tesoro.

           Ang una nga adlaw sang sinapol ginpatigayon sa Hall of Governors sang Capiz Provincial Capitol ka ang katapusan nga adlaw ginhiwat sa Pag-ulikid Training Center sa Barangay Lanot, sining syudad.

Source: Pag-ulikid (CPPB)


Capiznon Online talks about everything and anything you want to know about Capiz, its allure, its beauty, the latest issues being talked about, the happenings as well as the latest landmarks, recreational centers, watering holes and all the things that make Capiz truly captivating and bewitching.

Leave a comment

Filed under Events, Pag-ulikid, Tourism

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s